వేమన పద్యం :
ఏకాంత మిరవు గన్గొని
లోకాంతము జేర బోయి లోబయలగునా ?
పాకంబు బూని మించిన
నీ కింపగు చిత్పరంబు నెలవగు వేమా !
తాత్పర్యము :
మర్మజ్ఞానం , సూక్ష్మాంశ పరిశీలన చేయగల సమర్థుడు చిదానంద స్వరూపుడగును.
వేమన పద్యం :
ఏకాంత మిరవు గన్గొను
శ్రీకాంతుని బ్రహ్మమయుని జిన్మయు బరునిన్
సాకార రూపుసాక్షి నిజాకారమె
పరమపది యారయ వేమా !
తాత్పర్యము :
ఏది పరమపదమన్నచో విష్ణుమూర్తి ధ్యానమే అన్నిటికి మూలము.
వేమన పద్యం :
‘ ఏకోబ్రహ్మ ‘ మనంగా
వైకల్పితమైన జగము వారల కెల్లన్
సాకారత్వము లుడిగిన
శోకము మోహంబు లేదు శుభమగు వేమా !
తాత్పర్యము :
‘ ఏకోబ్రహ్మ ‘ పరబ్రహ్మమొక్కటే అని తలచిన వానికి ఏ దిగులు ఉండదు.
ఏ మోహము ఉండదు.
అన్నింటా శుభమే కలుగును.