ఢిల్లీలో ఐసిస్ ఉగ్రవాది అరెస్టు – దేశవ్యాప్తంగా దాడులు

Sep 10, 2025 #✍️ దాసరి శ్రీధర్

ఢిల్లీ పోలీసులు ఐసిస్ ఉగ్రవాదిని అరెస్టు చేయడంతో దేశవ్యాప్తంగా అలర్ట్ మోగింది. ప్రధాన నిందితుడు ఆఫ్తాబ్ ముంబై నివాసి కాగా, మరో అనుమానితుడు అషర్ డానిష్‌ను జార్ఖండ్ రాజధాని రాంచీలో అరెస్టు చేశారు. ఢిల్లీ పోలీసులు, జార్ఖండ్ ATS, రాంచీ పోలీసులు సంయుక్తంగా నిర్వహించిన ఆపరేషన్‌లో ఈ అరెస్టులు జరిగాయి.

దేశవ్యాప్తంగా స్పెషల్ సెల్, కేంద్ర ఏజెన్సీలు 12కి పైగా ప్రదేశాల్లో దాడులు చేసి, 8 మంది అనుమానితులను అదుపులోకి తీసుకున్నాయి. రాంచీలోని ఒక లాడ్జిలో అరెస్టైన అషర్ డానిష్ బొకారో జిల్లాకు చెందినవాడని పోలీసులు తెలిపారు. అతనికి ఉగ్రవాద సంస్థలతో సంబంధాలు ఉన్నట్టు ఆధారాలు లభించాయి.

ఈ ఆపరేషన్‌లో అనేక అభ్యంతరకర వస్తువులు, పత్రాలు స్వాధీనం చేసుకున్నారు. రాంచీ గతంలో కూడా ఉగ్రవాద కార్యకలాపాలకు కేంద్రంగా నిలిచిందని పోలీసులు గుర్తు చేశారు. ప్రస్తుతం అరెస్టైన వారిని విచారిస్తూ, మరెవరైనా సంబంధమున్నారా అనేది దర్యాప్తు చేస్తున్నారు.

ఇవి కూడా చదవండి…