రేషన్ షాపులు ఇక జన్ పోషణ్ కేంద్రాలు

రేషన్ దుకాణాలను జన్ పోషణ్ కేంద్రాలుగా మార్చేందుకు పైలట్ ప్రాజెక్ట్ ప్రారంభించినట్లు కేంద్ర ఆహార, పౌరసరఫరాల శాఖ మంత్రి ప్రహ్లాద్ జోషి వెల్లడించారు.

లబ్ధిదారులకు పోషకాలు అందించడంతోపాటు రేషన్ షాప్ డీలర్ల ఆదాయాన్ని పెంచడమే లక్ష్యంగా ఈ కార్యక్రమాన్ని ప్రారంభించారు. ఈ చొరవలో భాగంగా ముందుగా ఉత్తరప్రదేశ్, గుజరాత్, రాజస్థాన్, తెలంగాణ ప్రాంతాల్లోని 60 రేషన్ షాపులను జన్ ఫోషణ్ కేంద్రాలుగా మార్చనున్నారు.