మంచిర్యాల జిల్లా కేంద్రం,
తేదీ:30 జూలై 2025,
✍️మనోజ్ కుమార్ పాండే.
మంచిర్యాల జిల్లా కేంద్రంలోని బైపాస్ రోడ్డులో ఉన్న మిమ్స్ జూనియర్ కళాశాలలో ఇంటర్మీడియట్ ద్వితీయ సంవత్సరం చదువుతున్న కొత్తపెల్లి సహస్ర మంగళవారం సాయంత్రం హాస్టల్ మూడవ అంతస్తు నుంచి దూకి ఆత్మహత్య చేసుకుందని స్థానికులు చెప్పారు.
ఆమె హాస్టల్ మూడవ అంతస్తు నుంచి దూకడం స్థానికులు చూశారు. వెంటనే హాస్టల్ సిబ్బంది ఆమెను పట్టణంలోని ఒక ప్రైవేట్ ఆసుపత్రిలో చేర్పించారు.
సహస్రను అత్యవసర చికిత్స కోసం కరీంనగర్‌కు తీసుకెళ్లగా, చికిత్స పొందుతూ ఆమె మరణించిందని కుటుంబ సభ్యులు తెలిపారు. సంఘటనా స్థలానికి చేరుకున్న పోలీసులు విద్యార్థిని మరణానికి గల కారణాలపై దర్యాప్తు ప్రారంభించారు.
భవనంలో ఎటువంటి భద్రతా చర్యలు లేవని, విద్యార్థిని గ్రిల్ లేని కిటికీ నుంచి దూకి ఆత్మహత్య చేసుకున్నదని స్థానికులు తెలిపారు. అటువంటి భవనంలో హాస్టల్ మరియు కళాశాలను నిర్వహించడానికి అనుమతి లేదని డిఇఓ అంజయ్య స్పష్టం చేశారు.
