localnewsvibe

తెలంగాణ వార్తలు

వచ్చే ఏడాది మోడల్ స్కూళ్లలో ఐదో తరగతిని ప్రారంభించే యోచనలో తెలంగాణ విద్యాశాఖ

Oct 18, 2025 #✍️ దాసరి శ్రీధర్
⏳ < 1 Min

తెలంగాణ విద్యాశాఖ వచ్చే విద్యాసంవత్సరం నుంచి మోడల్ స్కూళ్లలో ఐదో తరగతిని ప్రారంభించే యోచనలో ఉంది. గురుకులాల తరహాలోనే అడ్మిషన్లు చేపట్టే ప్రణాళిక రూపొందిస్తోంది. దీనికి సంబంధించిన ప్రపోజల్‌ను త్వరలోనే ప్రభుత్వానికి అందించనున్నారు. ప్రస్తుతం రాష్ట్రంలో 194 మోడల్ స్కూళ్లు ఉన్నాయి.

వీటిలో ఇంగ్లిష్ మీడియంలో ఆరో తరగతి నుంచి ఇంటర్ వరకు క్లాసులు కొనసాగుతున్నాయి. ప్రతి ఏడాది ఆరో తరగతికి ఎంట్రెన్స్ పరీక్ష నిర్వహించి, ఒక్కో స్కూల్‌లో రెండు సెక్షన్లలో వంద సీట్లను భర్తీ చేస్తున్నారు. ఈ లెక్కన రాష్ట్రవ్యాప్తంగా 1.94 లక్షల సీట్లు అందుబాటులో ఉన్నాయి.

అయితే, గత కొంతకాలంగా ఆరో తరగతిలో అడ్మిషన్లు తగ్గుతున్నాయి. గత ఏడాది 1.12 లక్షల అడ్మిషన్లు నమోదవగా, ఈ ఏడాది 1.08 లక్షలకు పడిపోయాయి. ఇదే విద్యాశాఖను ఆలోచనలో పడేలా చేసింది.

రాష్ట్రంలోని ఎస్సీ, ఎస్టీ, బీసీ, మైనార్టీ గురుకులాలు ఐదో తరగతి నుంచే నడుస్తున్నందున, పేద మరియు గ్రామీణ విద్యార్థులు అక్కడే చేరుతున్నారు. ఈ కారణంగా మోడల్ స్కూళ్లకు డిమాండ్ తగ్గుతోంది. ఈ పరిస్థితిని మార్చేందుకు, ఐదో తరగతి నుంచే అడ్మిషన్లు ప్రారంభించాలని నిర్ణయించారు. ప్రభుత్వం ఆమోదం ఇస్తే, ఒక్కో స్కూల్‌లో 40 మంది విద్యార్థులతో ఐదో తరగతి క్లాసులు వచ్చే ఏడాది ప్రారంభం కానున్నాయి.

ఇవి కూడా చదవండి…

Related Post

Secret Camera Shock:బాత్‌రూమ్‌లో సీక్రెట్ కెమెరా… ఇంటి యజమాని అరెస్ట్‌…, పరారీలో ఎలక్ట్రీషియన్‌…

అత్తగారింటిని తగలబెట్టిన అల్లుడు… ఎక్కడంటే… వివరాల్లోకి వెళ్ళితే…

TRVKS జెన్కో కార్యదర్శిగా ఎన్నికైన ముత్యాల రాంబాబు