Strict law alert: కామాంధులపై కఠిన ఆయుధంగా పోక్సో చట్టం… ఇక జీవితాంతం జైల్లోనే…

Oct 24, 2025 #✍️ దాసరి శ్రీధర్

⏳ < 1 Min

గుడ్ టచ్, బ్యాడ్ టచ్ మధ్య తేడా తెలియని చిన్నారులపై లైంగిక దాడులు పెరుగుతుండటంతో పోక్సో చట్టం నిందితులకు కఠిన ఆయుధంగా మారింది.

పక్కింటి వారు, బంధువులు, టీచర్లు కూడా ఇలాంటి ఘటనల్లో భాగమవుతుండటంతో ప్రభుత్వం ఈ కేసులపై తీవ్రంగా స్పందిస్తోంది. రాష్ట్రవ్యాప్తంగా 36 ఫాస్ట్ ట్రాక్ కోర్టులు ఏర్పాటు చేయగా, వీటిలో వేగంగా విచారణలు జరుగుతున్నాయి.

గత ఏడాది 77 కేసుల్లో 82 మందికి జీవితఖైదు, 49 కేసుల్లో 20 ఏళ్లకు పైగా శిక్షలు విధించగా, ఈ ఏడాది 9 నెలల్లోనే 124 మందికి శిక్షలు ఖరారయ్యాయి. మూడు ఏళ్లలో నాలుగు కేసుల్లో నలుగురికి ఉరిశిక్ష విధించారు. రాష్ట్రవ్యాప్తంగా 1,190 కేసుల్లో తీర్పులు వెలువడగా, బాధితులకు నిర్భయ ఫండ్ కింద నష్టపరిహారం చెల్లిస్తున్నారు.

బాధితురాలి వాంగ్మూలాన్ని ప్రధాన ఆధారంగా తీసుకుంటున్న కోర్టులు నిందితులను దోషులుగా తేలుస్తున్నాయి. చిన్నారులను అసభ్యంగా తాకడం, మాటలతో వేధించడం కూడా పోక్సో చట్ట పరిధిలోకి వస్తుంది. సంగారెడ్డిలో బాలికపై అత్యాచారం చేసిన నిందితుడికి జీవితఖైదు, నల్గొండలో మైనర్ బాలికను పెళ్లి చేసుకున్న వ్యక్తికి 32 ఏళ్ల జైలు శిక్ష విధించారు.

బాధితురాలి వాంగ్మూలం, డీఎన్ఏ, సాంకేతిక ఆధారాలు ఈ తీర్పుల్లో కీలకపాత్ర పోషించాయి. పోలీసు, న్యాయ వ్యవస్థ కఠిన చర్యలతో ఇలాంటి నేరాలకు అడ్డుకట్ట వేయాలన్నది ప్రభుత్వ లక్ష్యం.

ఇవి కూడా చదవండి ….